ចម្លើយ៖
អំពើហិង្សាជាការបៀតបៀន ការធ្វើអាក្រក់ ការវាយដំការរំលោភបំពានដែលកើតមានឡើងធ្វើឲ្យ ឈឺចាប់ ប៉ះពាល់ផ្លូវកាយផ្លូវវាចា និងផ្លូវចិត្ត។អំពើហិង្សាក្នុងគ្រួសារបណ្តាលមកពីមូលហេតុជាច្រើន ដូចជា ៖
- កត្តាធម្មជាតិ ៖ ស្ត្រីមានកម្លាំងខ្សោយជាងបុរស។
- កត្តាបុគ្គល ៖ ប្តីមានអំណាចចាត់ទុកប្រពន្ធជាទាសី រឹងរូស ឆាប់ខឹងឆេវឆាវ មួមៅ មើលងាយស្ត្រីភេទ មិនទទួលខុសត្រូវលើភារកិច្ច គិតថា អំពើហិង្សា ជាដំណោះស្រាយ ជាការអប់រំទូន្មាន។
- កត្តាទំនៀមទម្លាប់ប្រពៃណី ៖ ការមិនឲ្យតម្លៃស្ត្រី ;ការអប់រំស្ត្រីឲ្យខ្លាចប្តី ;គោរព ស្តាប់បង្គាប់ប្តី សុខចិត្តរងទុក្ខអត់ធ្មត់គ្រប់យ៉ាង ។
- កត្តាសង្គម ៖ គិតថាជាបញ្ហាឯកជន; មិនហ៊ានលូកដៃចូលក្នុងរឿងគ្រួសារគេ; មិនហ៊ានអន្តរាគមន៍ រឿងតូចតាច ។
- កត្តាច្បាប់ ៖ ពុំទាន់មានច្បាប់ ការទប់ស្កាត់នៅមានកម្រិតត្រឹមការផ្សះផ្សារ សម្រុះសម្រួល ។